Bir ailənin üzvləri qəzaya DÜŞDÜLƏR: Yaralıların son vəziyyətləri AÇIQLANDI

Sabirabadda avtomobilin aşması nəticəsində xəsarət alan şəxslərin son vəziyyəti açıqlanıb.

Tibbi Ərazi Bölmələrini İdarəetmə Birliyindən (TƏBİB) Oxu.Az-ın sorğusuna cavab olaraq bildirilib ki, aprelin 30-u, saat 18:10-da Sabirabad rayonunun Çiçəkli kəndi ərazisində baş verən yol nəqliyyat hadisəsi səbəbilə iki nəfər (kişi cinsli) Salyan Rayon Mərkəzi Xəstəxanasına hospitalizasiya olunub.

"1998-ci il təvəllüdlü şəxsə konyunkturanın yad cismi diaqnozu təyin edilib və lazımi tibbi yardım göstərilib. Vəziyyəti qənaətbəxş qiymətləndirildiyindən o, ambulator müalicə üçün evə buraxılıb.

2000-ci il təvəllüdlü şəxsə isə müştərək travma, qapalı kəllə-beyin travması, travmatik şok, qarın və döş qəfəsinin travması diaqnozları təyin edilib. Zəruri instrumental-diaqnostik müayinələrə baxmayaraq, vətəndaşın ölüm faktı qeydə alınıb",- deyə məlumatda bildirilir.

Əzizə İsmayılova

00:48

Sabirabadda avtomobilin aşması nəticəsində qardaşlardan biri ölüb, digəri xəsarət alıb.

Oxu.Az "Report"a istinadən xəbər verir ki, hadisə Çiçəkli kəndində qeydə alınıb.

Belə ki, "Priora" markalı avtomobil hərəkətdə olarkən qarşısına mal-qara çıxıb. Sürücü avtomobili heyvanlardan yayındıran zaman nəqliyyat vasitəsi idarəetmədən çıxaraq yolun kənarına aşıb.

Hadisə zamanı rayonun Cəngan kənd sakinləri: 1998-ci il təvəllüdlü Raqif Telman oğlu Məmmədov və qardaşı, 2000-ci il təvəllüdlü Elşad Telman oğlu Məmmədov müxtəlif dərəcəli xəsarətlər alıblar.

Yaralılar Salyan Rayon Mərkəzi Xəstəxanasına çatdırılıblar.

E.Məmmədov ağır xəsarətlər aldığından həkimlərin səyinə baxmayaraq, xəstəxanada ölüb.

Faktla bağlı araşdırma aparılır.