Azərbaycanda bayraqlar yarıya qədər ENDİRİLDİ

Qazaxıstanın Aktau şəhəri yaxınlığında AZAL-a məxsus sərnişin təyyarəsinin qəzaya uğraması nəticəsində həlak olanların xatirəsinə matəm elan olunması ilə əlaqədar Böyük Britaniyanın Azərbaycandakı səfirliyində bayraq yarıya qədər endirilib.

Oxu.Az xəbər verir ki, bu barədə səfirliyin "X" sosial şəbəkəsindəki səhifəsində məlumat verilib.

"Bu gün Azərbaycanda matəm gününə səmimi hörmət əlaməti olaraq və təyyarə qəzasında həlak olanların xatirəsinə Böyük Britaniyanın Bakıdakı səfirliyindəki bayraq yarıya qədər endirilib", - məlumatda qeyd olunub.

11:24

Bakı-Qroznı aviareysini yerinə yetirən "Azərbaycan Hava Yolları"na məxsus "Embraer 190" tipli sərnişin təyyarəsinin qəzaya düşməsi nəticəsində 38 nəfərin həlak olması səbəbindən Azərbaycanda matəm günüdür.

Oxu.Az xəbər verir ki, matəmlə əlaqədar Qazaxıstan və Türkiyənin Bakıdakı səfirliklərində də bayraqlar yarıya endirilib.

Azərbaycanda bayraqlar yarıya qədər ENDİRİLDİ

Daha çox foto burada: PhotoStock.az

26 dekabr, 03:14

Bakı-Qroznı aviareysini yerinə yetirən "Azərbaycan Hava Yolları"na məxsus "Embraer 190" tipli sərnişin təyyarəsinin qəzaya düşməsi nəticəsində çoxsaylı insan itkisi səbəbindən bu gün Azərbaycanda matəm günüdür.

Oxu.Az xəbər verir ki, matəmlə əlaqədar olaraq, ölkədə bayraqlar yarıya qədər endirilib.

Eyni zamanda, Bakıda Yeni il üçün nəzərdə tutulan şam ağaclarının işıqları söndürülüb.

Həmin görüntüləri təqdim edirik:

Qeyd edək ki, qəzaya uğrayan təyyarənin göyərtəsində 62 sərnişin və 5 ekipaj üzvü olub. Təyyarənin sərnişinlərindən 37-si Azərbaycan vətəndaşı olub. Onlardan 23-ü həlak olub, 14 nəfər yaralanıb.