Oxu.Az xəbər verir ki, İmişli Rayon Polis Şöbəsindən “Qafqazinfo”ya verilən məlumata görə, hadisə zamanı dünyasını dəyişən bəy 1981-ci il təvəllüdlü Məstəliyev Yalçın İsrafil oğludur.
Bildirilir ki, hadisə zamanı maşında olan digər şəxslər, bəyin qohumları Əhmədov Qoşqar Nazim oğlu, Əvəz Süleymanov da dünyalarını dəyişiblər.
Faktla bağlı cinayət işi açılıb.
15:50
Bu gün İmişli rayonunda dəhşətli qəza baş verib.
Oxu.Az xəbər verir ki, bu barədə “Qafqazinfo”ya hadisənin şahidləri məlumat verib.
Məlumata görə rayonun Hacımuradlı kəndi ərzisində baş verən qəzada bir nəfər ölüb. Ölən şəxsin bu gün toyu imiş. Belə ki, bəyin nişanlısını gözəllik salonundan götürərək ata evinə qoyduğu və geri qayıdarkən qəzaya uğradığı bildirilir.
Qeyd edək ki, qəzaya uğrayan maşın Mercedess olub. Maşının nömrə yerinə “Biz evlənirik” yazıb. Təqdim olunan fotoda həmin yazı da görünür.
