"Azəriqaz" İstehsalat Birliyinin (İB) İT və Rəqəmsallaşma departamentinin rəisi Zabil Vəfaddin oğlu İbayevin ölüm səbəbi məlum olub.
Oxu.Az-ın əldə etdiyi məlumata görə, 39 yaşında vəfat edən Zabil İbayev xərçəng xəstəliyindən əziyyət çəkirmiş.
Qeyd edək ki, Zabil İbayevin atası Vəfaddin İbayev Hüquq və İnsan Haqları İnstitutunun İdarə Heyəti sədrinin müavinidir. O, Ali Məhkəmənin sabiq hakimidir.
Aygün Mirakif
"Azəriqaz" İstehsalat Birliyinin (İB) İT və Rəqəmsallaşma departamentinin rəisi Zabil Vəfaddin oğlu İbayev 39 yaşında vəfat edib.
Oxu.Az xəbər verir ki, bu barədə istehsalat birliyi məlumat yayıb.
Bildirilib ki, Zabil İbayev ailəli olub, bir övladı var.
O, "Azəriqaz" İB-də əmək fəaliyyəti dövründə bir sıra məsul vəzifələrdə çalışıb. 08.08.2024-20.04.2025-ci İllərdə idarəetmə aparatının Əməliyyat modelinin inkişafı və tənzimlənmə departamentinin Biznes proseslərinin təhlili və rəqəmsallaşma şöbəsinin rəisi vəzifəsində fəaliyyət göstərib. 21.04.2025-11.01.2026-cı İllərdə Biznes proseslərinin təhlili və analitika departamentinin rəisi vəzifəsini icra edib. 12.01.2026-cı ildən etibarən isə İT və Rəqəmsallaşma departamentinin rəisi vəzifəsində çalışıb.
