Sabah bəzi ərazilərdə işıq OLMAYACAQ

Sabah Babək rayonunun bir neçə kəndində elektrik enerjisinin verilişi dayandırılacaq.

Oxu.Az "Report"a istinadla xəbər verir ki, 35/10 kilovoltluq "Nəzərabad" yarımstansiyasında cari təmir işləri aparılacaq.

Bununla əlaqədar, rayonun Nəzərabad, Didivar, Şıxmahmud, Aşağı və Yuxarı Uzunoba, Xəlilli, Vayxır, Xalxal və Məzrə kəndlərində elektrik enerjisinin verilişində dekabrın 28-i saat 11:30-dan 13:00-dək fasilə yaranacaq.

09:40

Bu gün Bakının Suraxanı rayonu, Cəlilabad və Lənkəran şəhərinin bəzi qəsəbə və kəndlərində elektrik enerjisinin verilişində məhdudiyyət yaranacaq

Oxu.Az xəbər verir ki, bu barədə "Azərişıq" ASC məlumat yayıb.

Bildirilib ki, Suraxanı Rayon Enerji Təchizatı və Satışı İdarəsi (RETSİ) ərazisində yerləşən Zığ qəsəbəsində yenidənqurma işləri ilə əlaqədar dekabrın 27-də elektrik xətləri sifarişə əsasən açılacaq.

Bununla əlaqədar olaraq saat 10:00-dan saat 16:00-dək qəsəbədə elektrik enerjisinin verilişində məhdudiyyət yaranacaq. Yenidənqurma işləri başa çatdıqdan sonra sözügedən ərazi daha keyfiyyətli elektrik enerjisi ilə təmin olunacaq.

Bundan başqa, Cənub RETSİ-yə daxil olan bir sıra rayonlarda təmir işləri ilə əlaqədar bu gün elektrik xətləri sifarişə əsasən açılacaq.

Bununla əlaqədar olaraq saat 10:00-dan saat 14:00-dək Cəlilabad Elektrik Şəbəkəsində (EŞ) Göytəpə şəhər inzibati ərazi dairəsi, Muğan, Ağdaş, Privolnoye, Komanlı kəndləri, saat 10:00-dan saat 11:00-dək Lənkəran Elektrik Şəbəkəsində 1-ci və 2-ci mikrorayonlarda, Kiçik bazar, Raypo, Səttərxan, Azad Mirzəyev, Hənifə Abdullayev küçələrində elektrik enerjisinin verilişində məhdudiyyət yaranacaq. Təmir işləri başa çatdıqdan sonra sözügedən ərazilər daha keyfiyyətli elektrik enerjisi ilə təmin olunacaq.