Bakı Metroplitenində “Nəriman Nərimanov” stansiyasında sərnişinlərdən birinin halı qəfil pisləşib.
Bakı Metropoliteni QSC-nin mətbuat xidmətinin rəhbəri Nəsimi Paşayev Oxu.Az-a bildirib ki, orta yaşlı bir kişi təzyiqində yaranmış problem səbəbindən müvazinətini itirib, nəticədə qatar olmayan relslərin üstünə yıxılıb.
Həkim müdaxiləsindən sonra özünə gələn sərnişin başında spazma problemi olduğunu bildirib:
“Dərhal xilasedicilər tərəfindən oradan çıxarılıb. Vəziyyəti yaxşıdır. Onun intihar etmək niyyəti olmayıb”.
Qeyd edək ki, bəzi KİV-lərdə “Nəriman Nərimanov” stansiyasında orta yaşlı kişinin intihar etməsi barədə məlumat yayılıb.
Elvin Əhmədov
www.oxu.az
