Bakı metrosunun bir xəttində ancaq YENİ NƏSİL qatarlar olacaq - RƏSMİ

"2025-2026-cı illərdə "Bakı Metropoliteni" QSC-yə 30 vaqonun (6 qatar tərkibi) alınması nəzərdə tutulub".

Bunu Oxu.Az-ın sorğusuna cavab olaraq "Bakı Metropoliteni" QSC-nin Mətbuat Xidmətindən bildirilib.

Məlumatda qeyd olunub ki, istehsalçı müəssisə ilə razılaşmaya əsasən, 2025-ci il ərzində 30 yeni nəsil vaqonu alınaraq Bakı metropoliteninə gətiriləcək və tam komplektləşdirmə aparılaraq xətlərə buraxılması istiqamətində tədbirlər görüləcək:

"Xətlər ayrıldıqdan sonra "yaşıl" xətdə ancaq yeni nəsil qatarlar hərəkət edəcək. "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı"na əsasən, bu dövrdə istismar müddətini başa vurmuş vaqonların əvəzlənməsi və 299 yeni vaqonun alınması planlaşdırılır".

Məhərrəm Əliyev