Bakının daha üç ərazisində güclü küləyin təsirindən ağaclar aşıb.
Oxu.Az xəbər verir ki, hadisələr Hüseyn Cavid prospektində, Aşıq Alı küçəsi 2 və Tərlan Əliyarbəyov 13b ünvanında qeydə alınıb.
Ağacların aşması zamanı avtomobillərə ciddi ziyan dəyib.
14:05
Güclü külək Bakının Lermontov küçəsində də ağacı aşırıb.
Oxu.Az xəbər verir ki, hadisə zamanı bir neçə avtomobil zərər görüb.
Aşan ağac küçədəki avtomobil yolunu tamamilə bağlayıb.
Bundan başqa, külək Sumqayıt şəhərində də fəsadlara səbəb olub. Şəhərin Cəlil Məmmədquluzadə küçəsində ağac küləyin təsirindən avtomobil yolunun hərəkət hissəsinə aşıb.
13:08
Bu gün başlanan güclü külək Bakıda fəsadlar törədib.
Oxu.Az xəbər verir ki, paytaxtın Ə.Haqverdiyev küçəsi 11, Mərkəzi Dənizçilər Xəstəxanası yaxınlığında külək nəticəsində ağacların budaqları sınıb və yola düşüb.
Budaqların ərazidən təmizlənməsi üçün aidiyyəti qurumlar cəlb olunub.
Qeyd edək ki, Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına əsasən, Bakıda və Abşeron yarımadasında avqustun 5-i səhərdən 8-dək şimal-qərb küləyinin 15-20 m/s, arabir 23-28 m/s, 5-də yarımadanın bəzi yerlərində arabir 30-35 m/s-dək güclənəcəyi gözlənilir.
Bakı və Sumqayıtda güclü külək ağacları sındırır, maşınlar əzilir - YENİLƏNİB + FOTO/VİDEO
Samir İsayev
Rəylər