Bakıda 83 yaşlı kişinin pensiyası kəsilib?

83 yaşlı Bakı şəhər sakininin pensiyası kəsilib. 

Bununla bağlı iddialar sosial şəbəkələrdə yayılan məlumatlarda öz əksini tapıb.

Məlumatda iddia edilir ki, 1940-cı il təvəllüdlü Mirzəbala Novruzov iki aydır pensiya almır. 

Onun hansı səbəbdən pensiyasının kəsildiyi isə bildirilmir. 

Məsələ barədə Əmək və Əhalinin Sosial Müdafiəsi Nazirliyi ilə əlaqə saxladıq.

Nazirlikdən Oxu.Az-ın sorğusuna cavab olaraq bildirilib ki, vətəndaş 2023-cü ilin noyabr ayında pensiya kartından istifadə üçün beş dəfə səhv kod yığıb. Bu səbəbdən də kart təhlükəsizlik məqsədilə bank tərəfindən bloklanıb.

İlhamə Əbülfət