Bakıda avtobus dayanacaqlarında mobil platformalar quraşdırılacaq

"Bakıda təşkil edilən velosiped zolaqları "pop-up" tiplidir. Bu isə maksimum az investisiya və az infrastruktur işləri deməkdir".

Bunu "APA-Economics"ə açıqlamasında Azərbaycan Yerüstü Nəqliyyat Agentliyinin (AYNA) Bakı regional idarəsinin müdiri Tərlan Səfərov deyib.

"Bu, pandemiyadan sonra Avropada geniş tətbiq edilən təcrübədir. Bu təcrübədə dayanacaqlar üçün də müəyyən həllər nəzərdə tutulur. Bu da mobil platformaların tikilməsidir. Bizdə bununla bağlı satınalma işləri gedir. Düşünürük ki, gələn il həmin dayanacaqlarda belə platformaları təşkil edək ki, insanlar avtobuslara daha rahat minə bilsinlər", - T.Səfərov qeyd edib.