Bakıda depo tikintisinə görə yüzlərlə yaşıllıq köçürüləcək

"Dərnəgül" elektrik deposunun tikintisi aparılacaq ərazidən, təxminən, 464 yaşıllıq köçürüləcək".

Oxu.Az xəbər verir ki, bu barədə Dövlət Ekoloji Ekspertiza Agentliyində "Bakı Metropoliteni" QSC tərəfindən "Dərnəgül" elektrik deposunun tikintisi zamanı ətraf mühitə təsirlərinin, o cümlədən layihə altına düşən yaşıllıqların qiymətləndirilməsi ilə bağlı keçirilən ictimai dinləmədə qurumun Perspektiv inkişaf və əsaslı tikintiyə nəzarət departamentinin rəisi Aftandil Bayramov deyib.

O bildirib ki, deponun ərazisindən köçürülən yaşıllığın əvəzinə deponun ərazisində təxminən 1000-ə yaxın ağac əkiləcək.

"Ağaclar relyefə uyğun köçürüləcək və onlara qulluq ediləcək", - deyə o qeyd edib.

Aləmdə Nəsib