Bakıda 17 yaşlı gənc itkin düşüb.
Oxu.Az xəbər verir ki, “Report”un məlumatına görə, Cəmilov Rasim İsrafil oğlu Xəzər Rayon Polis İdarəsinin (RPİ) 2-ci Polis Bölməsinə (PB) müraciət edərək oğlu - 1998-ci il təvəllüdlü Cəmilli Nurlan Rasim oğlunun bu il mayın 31-də yaşadıqları evdən getdiyini və bir daha geri qayıtmadığını bildirib.
N.Cəmillinin əlamətləri: boyu 140 santimetr, gözlərinin rəngi qara, arıq bədən quruluşlu, saçlarının rəngi qara, xüsusi əlamətləri yoxdur.
N.Cəmillinin yerini bilən və ya onun haqqında məlumatı olan şəxslərdən Xəzər RPİ və 2-ci PB-yə müraciət etmələri xahiş olunur.
Həmçinin N.Cəmillini görən şəxslər bu barədə 012-453-02-02 telefon nömrəsinə zəng edərək məlumat verə bilərlər.
E.Ə.
www.oxu.az
