Bakıda körpünün üstünə çıxaraq intihar etmək istəyən şəxs xilas edilib.
Oxu.Az APA-ya istinadən xəbər verir ki, Fövqəladə Hallar Nazirliyinin xilasedicilərinin Sadiq Nəsirovla apardığı danışıqlar nəticə verib və o, fikrindən daşındırılaraq körpüdən düşürülüb. Hadisə yerinə onun ailə üzvləri də gəlib.
Qeyd edək ki, intihar etmək istəyən şəxs hazırda Zərdab Rayon İcra Hakimiyyətinin başçısı olan Lütfəli Babayevin Mingəçevir Şəhər İcra Hakimiyyətinin başçısı olarkən ondan aldığı 65 min dolları qaytarmadığını iddia edir.
12:47
Bakıda körpünün üstünə çıxaraq intihar etmək istəyən şəxsin adı məlum olub.
Oxu.Az xəbər verir ki, körpüdən özünü atmaq istəyən şəxs Fəqan Nəsibovdur.
Hazırda Fövqəladə Hallar Nazirliyinin xilasediciləri Nəsibovu fikrindən daşındırmaq üçün danışıqlar aparır.
11:51
Bakıda kişi intihara cəhd edir.
Oxu.Az xəbər verir ki, APA-nın məlumatına görə, metronun “Koroğlu” stansiyası yaxınlığında kişi intihar etmək məqsədilə körpüyə çıxıb.
Hadisə yerinə Fövqəladə Hallar Nazirliyinin xilasediciləri cəlb olunub.
Hazırda intihar etmək istəyən şəxsi fikrindən daşındırmaq üçün danışıqlar aparılır.
