Bakıda lüks avtomobilin törətdiyi qəzada xəsarət alan şəxsin son durumu AÇIQLANDI

"Bakının Binəqədi rayonunda, Azadlıq prospektində baş verən yol-nəqliyyat hadisəsi zamanı xəsarət alan şəxs reanimasiya şöbəsinə yerləşdirilib".

Bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.

"26 yanvar, saat 01:00-də baş verən yol-nəqliyyat hadisəsi ilə bağlı 1981-ci il təvəllüdlü şəxs (qadın cinsli) Binəqədi Tibb Mərkəzinə hospitalizasiya olunub. Şəxsə zəruri tibbi xidmətlər göstərilib. Hazırda Reanimasiya şöbəsində müalicəsi davam etdirilir. Vəziyyəti ağır stabil, huşu aydındır",- deyə məlumatda vurğulanır.

12:54

"Bakının Binəqədi rayonunda, Azadlıq prospektində baş verən yol-nəqliyyat hadisəsi zamanı bir nəfər xəsarət alıb".

Bunu Oxu.Az-a açıqlamasında Bakı Şəhər Dövlət Yol Polisi İdarəsinin (BŞDYPİ) baş inspektoru Rüstəm Əhmədli deyib.

O bildirib ki, hadisə gecə saat 01:00-da paytaxtın Azadlıq prospektində qeydə alınıb: "Kamil Rüstəmzadənin idarə etdiyi 90-LA-990 dövlət nömrə nişanlı "Land Rover" markalı avtomobillə Əhliman Məmmədovun idarə etdiyi 77-YS-564 dövlət nömrə nişanlı "Hyundai" markalı avtomobillər toqquşub. Hadisə nəticəsində "Hyundai" markalı avtomobilin sərnişini Nurlana Mustafa qızı Əhmədova xəsarət alıb.

Faktla bağlı Binəqədi Rayon Polis İdarəsində araşdırma aparılır".

Əzizə İsmayılova

27 yanvar, 02:00

Bakının Binəqədi rayonunda baş vermiş yol-nəqliyyat hadisəsi iki nəfərin xəsarət alması ilə nəticələnib.

Oxu.Az APA-ya istinadən xəbər verir ki, hadisə Azadlıq prospektində qeydə alınıb.

Belə ki, "Land Rover" markalı avtomobilin sürücüsü idarəetməni itirərək nəqliyyat vasitəsini işıqforun qırmızı işığında dayanan "Hyundai" markalı avtomobilə çırpıb.

Qəza nəticəsində "Hyundai" və "Land Rover" markalı avtomobillərdə olan sərnişinlər müxtəlif bədən xəsarətləri alaraq Kliniki Tibbi Mərkəzə yerləşdiriliblər.

Binəqədi Rayon Polis İdarəsinin əməkdaşları faktla bağlı araşdırma aparır.