Bakıda “Prius” ayaq açıb yeridi, sürücü həbs olundu - YENİLƏNİB + FOTO/VİDEO

Bakıda yol hərəkəti qaydalarını kobud şəkildə pozan sürücü saxlanılıb.

Bakı Şəhər Dövlət Yol Polisi (DYP) İdarəsindən Oxu.Az-ın sorğusuna cavab olaraq bildirilib ki, paytaxtın Xətai rayonunda yol keçidlərinin birində vətəndaşların hərəkətinə təhlükə yaradan “Toyota Prius” markalı, 77-XY-496 dövlət qeydiyyat nişanlı nəqliyyat vasitəsinin sürücüsü Rəsul Rövşən oğlu Novruzov polis əməkdaşları tərəfindən müəyyən olunaraq saxlanılıb.

Sürücü barəsində toplanmış materiallar baxılması üçün rayon məhkəməsinə göndərilib. Məhkəmənin qərarı ilə R.Novruzov 10 sutka inzibati qaydada həbs edilib.

Bakıda “Prius” ayaq açıb yeridi, sürücü həbs olundu - YENİLƏNİB + FOTO/VİDEO

Könül Cəfərli

11:32

Bakıda “Toyota Prius” markalı avtomobil piyadalarla yanaşı pilləkənlərdən düşüb.

Hadisənin videogörüntüsü sosial şəbəkələrdə paylaşılıb. Hadisənin Gəncə prospekti yaxınlığında baş verdiyi deyilir.

Üzərində taksi fəaliyyəti göstərən şirkətlərdən birinə aid loqo olan maşın parkdakı pilləkənlərdən üzüaşağı gələrək avtomobil yoluna çıxıb.

Həmin görüntüləri təqdim edirik: