Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyi Salyan rayonunda üç otaqdan ibarət altı, iki otaqdan ibarət doqquz mənzilin alınması üçün tender elan edib.
Oxu.Az-ın məlumatına görə, mənzillərin şəhid ailələri və əlilliyi olan şəxslərə verilməsi planlaşdırılıb.
Xidmət tərəfindən 15 mənzilin alınması müqabilində 1 262 250 manat ödəniş edilməsi nəzərdə tutulur.
Qeyd edək ki, dünən xidmət tərəfindən Neftçala rayonunda da şəhid ailələri və əlilliyi olan şəxslərə verilməsi nəzərdə tutulan üç otaqdan ibarət 20 mənzilin alınması ilə bağlı tender elan edilib.
Rəşid Qarayev
