Biləsuvarda ağır qəza: Ölən və yaralananlar var

Biləsuvar rayonunda ağır yol-nəqliyyat hadisəsi baş verib.

Daxili İşlər Nazirliyinin Mətbuat Xidmətinin Lənkəran regional qrupundan Oxu.Az-ın sorğusuna cavab olaraq bildirilib ki, oktyabrın 24-də saat 16 radələrində Biləsuvar şəhəri ərazisində T.Cəfərovun idarə etdiyi "MTZ 80" markalı traktorla S.Şahmuradovun idarə etdiyi VAZ-21074 markalı avtomobil toqquşub.

Qəza nəticəsində minik avtomobilində olan sərnişin 2011-ci il təvəllüdlü Səbuhi Şahmuradov ölüb, nəqliyyat vasitəsindəki digər bir nəfər sərnişin isə müxtəlif bədən xəsarətləri alıb.

Faktla bağlı araşdırma aparılır.

Biləsuvarda ağır qəza: Ölən və yaralananlar var

19:20

TƏBİB Biləsuvarda baş verən avtoqəza ilə bağlı məlumat yayıb.

Qurumdan "Report"un sorğusuna cavab olaraq bildirilib ki, bu gün saat 16:30-da Biləsuvar-Bəhrəmtəpə avtomobil yolunda baş vermiş yol-nəqliyyat hadisəsi nəticəsində xəsarət alan 1969-cu il təvəllüdlü kişi Biləsuvar Rayon Mərkəzi Xəstəxanasına hospitalizasiya edilib.

Ona başın və döş qəfəsinin səthi travması, said nahiyəsinin hematoması və sıyrıqları diaqnozları qoyulub.

"Hazırda xəsarət alan şəxsin müalicəsi Təcili tibbi yardım şöbəsində davam etdirilir. Vəziyyəti stabil olaraq qiymətləndirilir", - məlumatda qeyd edilib.

18:00

Biləsuvar rayonunda ağır yol-nəqliyyat hadisəsi baş verib.

"Report"un Muğan bürosunun məlumatına görə, hadisə Biləsuvar-Bəhrəmtəpə avtomobil yolunun Biləsuvar rayonundan keçən hissəsində qeydə alınıb.

İlkin məlumata görə, hadisə nəticəsində bir nəfər ölüb, iki nəfər xəsarət alıb.

Hazırda onların şəxsiyyəti dəqiqləşdirilir.

Faktla bağlı araşdırma aparılır.