Bu il həcc ziyarəti üçün Azərbaycan zəvvarlarına 1 250 nəfərlik kvota ayrılıb.
Oxu.Az xəbər verir ki, bu barədə Qafqaz Müsəlmanları İdarəsinin Xarici Əlaqələr şöbəsinin müdiri, həcc elektron sisteminin rəhbəri Vüsal Cahangiri məlumat verib.
O bildirib ki, artıq bütün yerlər dolub və əlavə müraciətlər qəbul olunmur:
"Bu il həcc ziyarətinə getmək istəyən azərbaycanlı zəvvarlar üçün 1 250 kvota yeri ayrılıb. Bundan əlavə 30-dan çox şəxs müraciət etsə də, kvota tam dolduğuna görə artıq yeni sənəd qəbul edə bilmirik".
"Builki zəvvarlar arasında gənclər üstünlük təşkil edirlər. Zəvvarlar arasında təkrar gedənlər bir faizdir, çoxu ilk dəfə həcc ziyarətinə gedir", - deyə o qeyd edib.
Aləmdə Nəsib
:640.jpg)
