"Azərbaycan Ordusunun hərbi qulluqçularına hərbi xidməti başa vurduqdan sonra mənzillər verilir. Daxili Qoşunlarda xidmət edənlərə bu imtiyazlar verilmir".
Oxu.Az xəbər verir ki, bu, Milli Məclisin Müdafiə, təhlükəsizlik və korrupsiya ilə mübarizə komitəsinin bu gün keçirilən iclasında yeni hazırlanan "Azərbaycan Respublikasının daxili qoşunları haqqında" qanun layihəsinin müzakirəsi zamanı deputat Qüdrət Həsənquliyev deyib.
Deputat sözlərinə görə, onlara müəyyən vəsait də ayrıla bilər ki, istədikləri yerdən mənzil ala bilsinlər:
"Hazırda ordu üçün evlər tikilir. Bəlkə həmin hərbçi orada yox, valideynlərinə yaxın ərazidə yaşamaq istəyir. Yaxşı olardı ki, bu məsələ Daxili Qoşunların zabitləri və müddətdən artıq hərbi xidmət edənlər üçün də nəzərdə tutulsun".
Mərahim Nəsib
