Qazax rayonunun Xanlıqlar kəndi ərazisində yerləşən Didvan gölünün ətrafı zibillə çirklənib.
Oxu.Az-a daxil olan görüntülərdə gölün sahilində və yaxınlıqdakı yaşıllıq ərazidə çoxlu sayda plastik butulka, paket və digər tullantıların olduğu görünür.
Təbiətin qoynunda yerləşən gölün ətrafına atılan tullantılar həm ərazinin görünüşünü korlayır, həm də ətraf mühitin çirklənməsinə səbəb olur.
Görüntülərdən də aydın olur ki, tullantılar gölün lap yaxınlığındakı geniş əraziyə səpələnib.
Sakinlər aidiyyəti qurumların məsələyə diqqət ayırmasını, Didvan gölünün ətrafının tullantılardan təmizlənməsini və ərazidə belə halların qarşısının alınması üçün tədbirlər görülməsini istəyirlər.
Qeyd edək ki, məsələ ilə bağlı aidiyyəti quruma sorğu ünvanlanıb.
Qaynar xətt:
(055) 224 12 12
