Dini Qurumlarla İş üzrə Dövlət Komitəsi (DQİDK) Beşbarmaq dağındakı Xıdır Zində pirində insanların aldadılması və kuklaya sitayiş edilməsini əks etdirən videonun yayılmasına münasibət bildirib.
Oxu.Az xəbər verir ki, DQİDK-dən Publika.az-ın sorğusuna cavab olaraq bildirilənə görə, sözügedən pirin Dini Komitə ilə heç bir əlaqəsi yoxdur:
“O yerin bizə aidiyyatı yoxdur. Oranın öz sahibi var. Hazırda Xıdır Zində piri Dini Qurumlarla İş üzrə Dövlət Komitəsinin sərəncamında olan yer deyil”.
Qeyd edək ki, Azərbaycanda dini icmalara lisenziya hüququ Dini Qurumlarla İş üzrə Dövlət Komitəsi tərəfindən verilir.
