Gəncədə 4 yaşlı uşağın ölüm SƏBƏBİ BİLİNDİ

"Martın 10-da saat 9:30-da 2021-ci il təvəllüdlü şəxs (kişi cinsli) ailə üzvləri tərəfindən Gəncə Şəhər Birləşmiş Xəstəxanasının nəzdində olan Uşaq Xəstəxanasına gətirilib".

Bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.

Bildirilib ki, həkim müayinəsində olan azyaşlı zəruri müayinələrdən keçirilib:

"Vəziyyəti ağır olan azyaşlıya pnevmatoraks (Ağciyərlərdən havanın plevra boşluğuna keçməsi) diaqnozu təyin edilib. Aparılan reanimasiya tədbirlərinə baxmayaraq, onun 15:40 radələrində ölüm faktı qeydə alınıb. Ölümünün ilkin səbəbi kimi spontan gərginlik pnevmatoraks, ürək-ağciyər çatışmazlığı qeyd olunur".

Aləmdə Nəsib

16:40

Gəncədə dörd yaşlı uşaq vəfat edib.

Oxu.Az xəbər verir ki, hadisə Gəncə şəhəri 2 sayılı Uşaq Xəstəxanasında qeydə alınıb.

Belə ki, Gəncə şəhər sakini, 2021-ci il təvəllüdlü H.Hüseynov yaxınları tərəfindən xəstəxanaya çatdırılıb.

Ona həkimlər tərəfindən tibbi yardım göstərilsə də, uşağın həyatını xilas etmək mümkün olmayıb.

Faktla bağlı araşdırma aparılır.