"Təhlükəsizliyin təmin olunması iqtisadi dəyər yaradır".
Oxu.Az xəbər verir ki, bunu iqtisadçı ekspert Eldəniz Əmirov Bakıda keçirilən "Təhlükəsiz mobilliyə doğru" adlı tədbirdə bildirib.
Onun sözlərinə görə, təhlükəsizliyə çəkilən xərclər sonradan iqtisadi dəyər formalaşdırır:
"Təhlükəsizlik təmin olunan zaman qəzalar, sığorta və səhiyyə xərcləri, biznesin itkiləri azalır. Bu, investisiya mühitinin formalaşmasına xidmət edir və ölkə iqtisadiyyatı ilə yanaşı, istehlakçılara da fayda verir".
Ekspert qeyd edib ki, bazarda haqlı rəqabət mühitinin qorunması vacibdir:
"Qanunvericilik bazasında bunun üçün kifayət qədər əsaslı müddəalar var. Lakin bəzi bazar iştirakçılarının bu tələblərdən yayınması ədalətsiz rəqabət yaradır, rəsmi distribütorlara, istehlakçılara və təhlükəsizlik məsələlərinə mənfi təsir göstərir. Dövlətin marağı bütün bazar iştirakçılarının qanunvericiliyin tələblərinə bərabər şəkildə əməl etməsidir".
