Ən son xəbərləri bizim "X" səhifəmizdə izləyin

Ələt-Hacıqabul yolunda sürücülər üçün TƏHLÜKƏLİ VƏZİYYƏT
Ələt-Hacıqabul yolu sürücülər üçün təhlükəli vəziyyət yaradıb.
Oxu.Az xəbər verir ki, bu barədə sosial şəbəkələrdə videogörüntü yayımlanıb.
Qeyd edilib ki, çoxtonnajlı avtomobillərin müntəzəm hərəkəti yolun sağ zolağını tamamilə yararsız hala salıb. Sol zolaqda da vəziyyətin ürəkaçan olmaması ilə yanaşı, qanuna görə, burada hərəkət etmək mümkün deyil, çünki sürücülər cərimə olunma riski ilə qarşılaşırlar.
"İllərdir bu yol təhlükə saçır, yolu gedib-gələn avtomobillər sıradan çıxır, amma heç bir tədbir görülmür", - deyə şikayətçi bildirir.
Azərbaycan Avtomobil Yolları Dövlət Agentliyinin (AAYDA) İctimaiyyətlə əlaqələr şöbəsinin rəisi Anar Nəcəfli də Oxu.Az-a açıqlamasında yolun istismar müddətinin keçdiyini təsdiqləyib.
"Bakı-Ələt-Qazax-Gürcüstan ilə dövlət sərhədi avtomobil yolunun Ələt-Hacıqabul hissəsinin əsaslı təmirinə ehtiyac yaranıb. Bununla əlaqədar agentliyimiz tərəfindən təkliflər hazırlanaraq aidiyyəti üzrə göndərilib. Maliyyə vəsaitinin ayrılması gözlənilir. Maliyyə vəsaiti ayrılan kimi, sözügedən hissənin əsaslı şəkildə yenidən qurulması tərəfimizdən təmin olunacaq", - deyə qurum rəsmisi vurğulayıb.
Əzizə İsmayılova
"Azərbaycanda yol problemi" teqi üzrə xəbərlər
- "Abşeronda yeni çəkilən yol su içində qalıb" - SƏBƏB NƏDİR?
- Qəbələnin Kürd kəndinin həll edilməyən problemləri: "Yayda tozdan, qışda palçıqdan gəzə bilmirik"
- İsmayıllıda kənd sakinləri çarəsiz qalıblar: "Aidiyyəti qurumlara müraciət etsək də, baxmadılar"
- Metronun "28 May" stansiyasının qarşısında çökən yol ilə bağlı AÇIQLAMA
- Hacıqabulda yolsuzluq PROBLEMİ: "Dəfələrlə desək də, HƏLL EDƏN YOXDUR"