Əli Əhmədov: Azərbaycanın inkişafını dünyanın inkişafından kənarda təsəvvür etmək mümkün deyil

SSRİ-nin süqutundan sonra ən yüksək inkişaf edən dövlətlərdən biri Azərbaycan oldu. 

Oxu.Az xəbər verir ki, bunu Baş nazirin müavini Əli Əhmədov Bakıda keçirilən Strateji Prioritetləşdirmə Seminarında çıxışında deyib. 

Ə.Əhmədovun sözlərinə görə, Azərbaycan 2012-2017-ci illərdə BMT-yə iki hesabat təqdim edib:

“Düşünürəm ki, 2030-cu ilə qədər dünyanın transformasiyası layihəsi çərçivəsində də öz töhfəsini verəcək. Azərbaycan dünyanın bir parçasıdır. Azərbaycanın inkişafını dünyanın inkişafından kənarda təsəvvür etmək mümkün deyil. Buna görə də Azərbaycanın inkişaf strategiyasının BMT-nin müəyyən etdiyi inkişaf strategiyasına uyğunlaşdırılması gedir”. 

Ə.Əhmədov əlavə edib ki, Azərbaycanın inkişafı bütün sahələrdə özünü göstərib:

“Son 30 ildə Azərbaycan əhalisi üç milyon nəfər artıb ki, bu da 40 faizdən çox artım denəkdir. Hazırda əhalimizin 50 faizdən bir qədər çoxu şəhərdə yaşayır. Bu da kənd yerlərində həyat səviyyəsinin yüksəldilməsi ilə bağlı bizim qarşımızda vəzifələr qoyur.

Həmçinin, gender bərabərliyi ilə bağlı məsələlər də qarşımızda var və əminəm ki, bundan sonra da belə olacaq”.

Könül Cəfərli