Ötən gecə saat 23:30 radələrində Bakının ən yaşlı qadını dünyasını dəyişib.
Oxu.Az xəbər verir ki, ANS PRESS-in məlumatına görə, Binəqədi rayonu Sulutəpə qəsəbəsində yaşayan 104 yaşlı Maya Hüseynovanın vəziyyəti qəflətən pisləşib. Hadisə yerinə təcili yardım həkimləri çağırılıb.
Həkimlər gələnə qədər Maya Hüseynova dünyasının dəyişib.
Deyilənlərə görə, 104 yaşlı qadın indiyə qədər o qədər də ciddi xəstəlik keçirməyib. Özünü idarə edə bilirmiş. Qadının öz əcəli ilə dünyasını dəyişdiyi bildirilib.
