Ermənistan rəhbərliyi Tovuz rayonunun Əlibəyli kəndi ilə həmsərhəd yerləşən Movses və Verin Karmirahpyur kəndləri boyunca müdafiə divarı hörürlər.
Oxu.Az Modern.az-a istinadən xəbər verir ki, bu addım kənd sakinlərini azərbaycanlı snayperlərin atəşindən qorumaq məqsədi ilə edilir. Artıq hörülən divarın bəzi şəkilləri sosial şəbəkələrdə yayılıb.
Müdafiə divarının özülünün bir neçə gün öncə Ermənistan baş naziri Ovik Abramyanın bu kəndlərə səfərindən sonra atıldığı da vurğulanır.
Qeyd edək ki, artıq bir həftədən çoxdur ki, Tovuz rayonu istiqamətində atəşkəs rejimi intensiv şəkildə pozulur.
