Azərbaycan Qida Təhlükəsizliyi Agentliyinin (AQTA) əməkdaşları tərəfindən aparılan nəzarət tədbirləri nəticəsində Gürcüstandan idxal edilən ərzaqlıq kartof məhsulunda uyğunsuzluq müəyyən edilib.
AQTA-dan Oxu.Az-a verilən məlumata görə, "Foreign Fruit" MMC tərəfindən "Yunion Export 2024" müəssisəsindən gətirilən, ümumi çəkisi 24.5 ton olan kartof partiyası fitosanitar ekspertiza üçün laborator müayinəyə cəlb olunub.
Sınaq nəticəsində məhsulda karantin tətbiq edilən kartof gövdə nematodu (bitkilərin gövdəsinə girərək zərər verən mikroskopik parazit qurdcuq) aşkarlanıb.
Qanunvericiliyin tələblərinə uyğun olaraq, məhsul partiyasının ölkə ərazisindən çıxarılması, utilizasiyası və ya məhv edilməsi barədə qərar qəbul edilib.
Məhərrəm Əliyev
