"İqor Kşnyakin üçün əsas məsələ sərnişinlərin təhlükəsizliyi olub. Atam hər zaman öz işinə sadiq olan insan idi".
Oxu.Az xəbər verir ki, bunu mərhum gəmi komandiri İqor Kşnyakinin qızı Anastasiya Kşnyakina Heydər Əliyev Beynəlxalq Aeroportunda Bakı-Qroznı reysini yerinə yetirən "Embraer-190" tipli sərnişin təyyarəsinin qəzaya uğraması nəticəsində həlak olan ekipaj üzvləri ilə vida mərasimində bildirib.
Anastasiya Kşnyakina sözlərinə belə davam edib:
"Atam hər zaman deyirdi ki, havaya qalxanda təkcə öz həyatına görə yox, həm də bütün sərnişinlərin, ekipaj üzvlərinin həyatına görə məsuliyyət daşıyıram. Son uçuşunda əsl qəhrəmanın necə olduğunu göstərdi".
İqor Kşnyakinin qızı: "Son uçuşunda əsl qəhrəmanın necə olduğunu göstərdi"
Məhərrəm Əliyev
