"İqor Kşnyakin" teqi üzrə xəbərlər
İqor Kşnyakin 1982-ci ildə Sasov Mülki Aviasiya Uçuş Məktəbində pilot ixtisası üzrə ilkin təhsil almışdır. 1992-ci ildə Rusiya Dövlət Hidrometeorologiya İnstitutunu meteorologiya ixtisası üzrə bitirib.
Təcrübəli kapitan İqor Kşnyakin 15 000 saatdan çox uçuş saatına malikdir ki, bunun təxminən 11 200 saatı hava gəmisinin komandiri kimi olub.
İqor Kşnyakinin qəhrəmanlığı sayəsində Aktaudakı dəhşətli qəzada 29 nəfər sağ qalıb. Dekabrın 25-də İqor Kşnyakin AZAL-ın Bakı-Qroznı reysi ilə uçan Embraer 190 təyyarəsinin kapitanı olub. Ekipaj böyük cəsarət göstərərək təyyarənin Xəzər dənizinə düşməsinin qarşısını almağı və onu Aktau şəhərində yerə endirməyi bacarıb.
Qəza nəticəsində göyərtədə olan 67 nəfərdən 38-i həlak olub. Həlak olanlardan 25-i Azərbaycan vətəndaşıdır. Pilotlar İqor Kşnyakin, Aleksandr Kalyaninov və stüardessa Hökumə Əliyeva qəza zamanı partlayışda həlak olublar. Onlar ikinci Fəxri Xiyabanda dəfn olunacaqlar.
