Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti (DƏMX) tərəfindən cari ilin iyul ayında qeydə alınan istehsalatla əlaqəli bədbəxt hadisələrin sayı ötən ilin müvafiq dövrü ilə müqayisədə 48 faiz azalaraq 11-ə enib.
Oxu.Az xəbər verir ki, bu barədə Nazirlikdən məlumat verilib.
“İstehsalatla əlaqəli qrup halında baş verən bədbəxt hadisələrin sayı isə 50 faiz azalaraq 1-ə enib. İstehsalatla əlaqəli bədbəxt hadisələr nəticəsində dünyasını dəyişənlərin sayı 55,5 faiz azalmaqla 4 nəfər, xəsarət alanların sayı isə 46,6 faiz azalmaqla 8 nəfər təşkil edib”, - məlumatda deyilib.
Qeyd edilib ki, baş vermiş istehsalat qəzaları ilə bağlı DƏMX tərəfindən əmək qanunvericiliyinə müvafiq şəkildə tədbirlər görülüb.
Gülnarə Zeynalova
www.oxu.az
