Kamran Əliyev: "Heydər Əliyev XX və XXI əsrlərdə Azərbaycanı yenidən inşa edib"

"Heydər Əliyev XX və XXI əsrlərdə Azərbaycanı parçalanmaqdan, yox olmaqdan və dövlətçiliyimizi dağılmaqdan xilas edərək, ölkəni hüquqi, demokratik və müstəqil dövlət kimi yenidən inşa edib"

Oxu.Az-ın məlumatına görə, bunu baş prokuror Kamran Əliyev Heydər Əliyevin anadan olmasının 102-ci ildönümü münasibətilə tədbir və Bakı Şəhər Prokurorluğunun inzibati binasının yeni korpusunun açılış mərasimindəki çıxışında deyib.

Baş prokuror bildirib ki, ölkə başçısının 2025-ci il üçün "Konstitusiya və Suverenlik İli" elan etməsi dövlətçiliyimizin əsas sütunlarının bir daha təhlil edilməsi və mənimsənilməsi baxımından mühüm əhəmiyyət kəsb edir:

"Heydər Əliyevin rəhbərliyi ilə 1995-ci ildə qəbul edilmiş Azərbaycan Respublikasının Konstitusiyası müstəqil dövlətçiliyimizin hüquqi əsaslarını yaradıb və bu sənədin hazırlanmasında ulu öndərin müstəsna xidmətləri olub".

Aqil Vəlili