"Nar Festivalı" 2006-cı ildən keçirilir və artıq 16-cı dəfə təşkil olunur. Təxminən 30 mindən çox şəxs festivalda iştirak edir".
Oxu.Az-ın Göyçaya ezam olunmuş müxbiri xəbər verir ki, bunu Dövlət Turizm Agentliyinin sədrinin müşaviri Kənan Quluzadə jurnalistlərə açıqlamasında deyib.
O qeyd edib ki, iki gün davam edən festivala əsasən Azərbaycanın müxtəlif bölgələrindən və Bakı şəhərindən gələn şəxslər üz tuturlar: "Turizm şirkətləri bu səfərləri təşkil edirlər. Eyni zamanda xarici qonaqlar və xarici media nümayəndələri də tədbiri işıqlandırmaq üçün festivaldadır".
K.Quluzadə qeyd edib ki, "Nar Festivalı"nın əsas məqsədi narçılıq ənənələrini qorumaq, təbliğ etmək və regionun turizm potensialını artırmaqdır:
"Bu, Azərbaycanın brendləşmiş turizm festivalıdır. Təkcə ölkə daxilində deyil, həm də xaricdə tanınır. Azərbaycan Dövlət Turizm Agentliyi və Azərbaycan Turizm Bürosu ilboyu bu festivalın xaricdə tanıdılması, sərgilərdə və tədbirlərdə PR və marketinq işləri ilə məşğul olur".
O əlavə edib ki, "Nar Festivalı" artıq xarici turistlər üçün də xüsusi maraq doğurur: "Belə qonaqlar var ki, Azərbaycana məhz bu festivala görə səfər edirlər. Biz bunun bir çox dəfə şahidi olmuşuq".
Məhərrəm Əliyev
