Anasının atıb getdiyi Sarayın meyiti TAPILDI

2024-cü il dekabrın 24-də Zərdab rayonunda Kür çayında batan 13 yaşlı yeniyetmə qızın meyiti yanvarın 2-də tapılıb. Meyit batdığı yerdən təxminən 15 kilometr aralıda, Kür çayının Kürdəmir rayonunun Söyüdlü kəndi ərazisindən keçən hissəsində aşkarlanıb.

Fövqəladə Hallar Nazirliyinin Aran Regional Dalğıc-axtarış qrupunun əməkdaşları meyiti sudan çıxararaq aidiyyəti üzrə təhvil veriblər.

Mərhumun nənəsi Aişə Kərimova hadisə ilə bağlı danışaraq bildirib:

"Uşağı səhər dərsə yola salmışdım. Qardaşı ilə birlikdə evdən çıxmışdılar. Yolda məktəbdə işləyən xadimə ona "Gəl, birlikdə gedək" desə də, Saray "Sən get, mənim işim var, adam gözləyirəm" deyib. Sonra gözlədiyi qıza "İlkin müəllimə deyərsən ki, Saray Kürə getdi" söyləyib. Bilmirəm ki, aralarında nə baş verib. Dekabrın 4-də də ad günü idi. Anası zəng etmişdi. Nə qədər desək də, onunla danışmaq istəmədi. Anası üç il əvvəl uşaqlarını qoyub başqasına ərə gedib".

Hadisə ilə bağlı araşdırma aparılır.

Ətraflı Baku TV-nin süjetində:

Anasının atıb getdiyi Sarayın meyiti TAPILDI

13:18

Kür çayında batan yeniyetmənin meyiti tapılıb.

Oxu.Az xəbər verir ki, bu barədə Fövqəladə Hallar Nazirliyi məlumat yayıb.

Bildirilib ki, 24 dekabr 2024-cü il tarixində Kür çayının Zərdab rayonu, Əlvənd kəndindən keçən hissəsində batan 2011-ci il təvəllüdlü Saray Sərvan qızı Kərimlinin meyiti FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları tərəfindən suda tapılıb çıxarılaraq aidiyyəti üzrə təhvil verilib.