Lənkərana yağan leysan xarakterli yağış fəsadlara səbəb olub.
Suötürücü və selötürücü kanallar su ilə dolub, həyətyanı sahələri su basıb.
Sakinlər mövcud vəziyyətlə bağlı narazılıqlarını Baku TV ilə bölüşüblər: "Uşaqlar buradan məktəbə gedə bilmirlər. Hər yağış yağanda ətrafı su basır. Xəndəkləri təmizləmək lazımdır. Dəfələrlə aidiyyəti qurumlara məlumat versək də, heç bir tədbir görülmür", - onlardan biri söyləyib.
Məsələ ilə bağlı Lənkəran Şəhər İcra Hakimiyyətindən bildirilib ki, suötürücü və selötürücü kanallar tez-tez təmizlənir. Vətəndaşlar tullantıları xəndəklərə atırlar, bu da suyun axarının qarşısını alır. Hazırda xəndəklər mərhələli şəkildə təmizlənir.
Mövzu ilə bağlı daha ətraflı videomaterialı təqdim edirik:
Lənkərana yağan leysan xarakterli yağış fəsadlara səbəb olub
