Lənkəranda "Prius" ağır qəza törətdi: Xəsarət alanlar var

Lənkəranda yol-nəqliyyat hadisəsi baş verib.

APA-nın verdiyi məlumata görə, qəza Lənkəran şəhərinin Şəhidlər xiyabanı küçəsində qeydə alınıb.

Hərəkətdə olan "Toyota Prius" markalı minik avtomobili ilə "Mercedes-Benz" markalı minik maşını toqquşub. Toqquşma nəticəsində hər iki avtomobil yoldan çıxaraq, yol kənarındakı divara çırpılıb.

Qəzada hər iki nəqliyyat vasitəsinin sürücüləri və sərnişin müxtəlif dərəcəli bədən xəsarətləri alaraq Lənkəran Rayon Mərkəzi Xəstəxanasının Təcili yardım şöbəsinə hospitalizasiya olunublar.

Faktla bağlı araşdırma aparılır.