Avtomobilin müntəzəm texniki xidməti zəruri, lakin bahalı prosedurdur. Bir çox avtomobil sahibləri mühərrikə zərər vermədən necə qənaət etmək barədə düşünürlər. Xərcli işlərdən biri mühərrik yağının dəyişdirilməsidir. Bir çoxları bahalı sintetik yağı daha ucuz mineral yağla əvəzləməyi seçir. Bəs bu, avtomobilə ziyan vermir?
Oxu.Az-ın "Rosiyskaya Qazeta"ya istinadla verdiyi məlumata görə, rusiyalı avtomobil mütəxəssisi Nikita Rodionov bununla bağlı tövsiyələrini verib.
Onun sözlərinə görə, mühərrikə məhz avtomobil istehsalçısının tövsiyə etdiyi yağı tökmək lazımdır.
"Reqlamentə ciddi riayət etmək lazımdır, burada heç bir eksperiment olmamalıdır", - deyə o bildirib.
Ekspert həmçinin iqlim şəraitinin nəzərə alınmasının vacibliyini xatırladıb.
"Əgər istehsalçı mineral yağdan istifadəyə icazə verirsə və sizin bölgədə mənfi 25 dərəcədən aşağı şaxta olmursa, keçid mümkündür. Bütün digər hallarda qənaət etməmək daha yaxşıdır" , - deyə o əlavə edib.
Mütəxəssis yağ növünü dəyişdirərkən sistemi tam yumağın və filtri dəyişdirməyin zəruri olduğunu vurğulayıb.
Rəylər