:1200.jpg)
Lökbatan sakinləri içməli suyun olmamasından əziyyət çəkir.
Bu barədə Oxu.Az-ın redaksiyasına Qaradağ rayonu, Lökbatan qəsəbəsi, “Qobu Park” 2 yaşayış massivində yaşayan sakinlər məlumat verib.
Sakinlər deyir ki, artıq 4 günə yaxındır ki, içməli suyun verilməsində ciddi fasilələr yaşanır:
“Hər gün su problemi yaşayırıq. Səhər saat 09:00-dan axşam saat 22:00-a qədər içməli su verilmir. Bir də gecə saatlarında kəsilir, səhər saat 6-da su verilir. Problemlə bağlı aidiyyəti qurumlara da müraciət etmişik. Bu gün, sabah problemin həll ediləcəyi qeyd edilsə də hələ də içməli suyun verilməsində fasilələr olur”.
“Azərsu” ASC-dən məsələ ilə bağlı Oxu.Az-a verilən məlumata görə, problemin həlli istiqamətində işlər görülür:
“Problem Oğuz-Qəbələ xəttində aparılan təmir bərpa işləri ilə əlaqəlidir. Qobu Park ərazisində içməli suyun qrafiklə verilməsinə səbəb budur. Gün ərzində içməli suyun qrafiklə verilməsi təmin edilir. Sabahdan əraziyə 24 saat fasiləsiz içməli suyun verilməsi təmin ediləcək”.
Aqil Vəlili
