Magistraturaya imtahanda ən yüksək bal toplayanların adları açıqlandı

Fevralın 24-də keçirilən magistraturaya qəbul imtahanının birinci mərhələsinin nəticələri elan edilib. İmtahanda ən yüksək nəticəni Tural Əhmədov və Rəhman Mustafayev göstərib.

Bu barədə məlumat “Azərbaycan Universitetləri” “Facebook” səhifəsində yerləşdirilib.

T.Əhmədov və R.Mustafayev mümkün olan 100 baldan 97 bal toplayıblar.

T.Əhmədovun həmçinin məntiq müəllimi olduğu qeyd edilir.

Qeyd edək ki, magistraturaya qəbul imtahanının ikinci mərhələsi mayın 26-da keçiriləcək.