“Azəristiliktəchizat” ASC Maliyyə naziri Samir Şərifovun qurumla bağlı bədbin açıqlamasına münasibət bildirib.
Qurumdan Oxu.Az-ın sorğusuna cavab olaraq bildirilib ki, istilik tarifləri sosialyönümlü olduğundan və maya dəyərindən aşağı müəyyən edildiyindən xərclərin bir hissəsi dövlət büdcəsi tərəfindən subsidiyalaşdırılır.
“Bu məsələlərə maliyə naziri tərəfindən aydınlıq gətirilib”, - deyə qurumdan verilən cavabda bildirilib.
Xatırladaq ki, Milli Məclisin İqtisadi siyasət, sənaye və sahibkarlıq komitəsinin iyunun 2-də keçirilən iclasında Maliyyə naziri Samir Şərifov deyib ki, 2019-cu ildə “Azəristiliktəchizat” ASC-nin fəaliyyətinin tənzimlənməsinə 11 milyon 200 min manat ayrılıb.
O əlavə edib ki, qurumun maliyyə vəziyyəti ürəkaçan deyil.
Könül Cəfərli
