Ən son xəbərləri bizim "WhatsApp" kanalımızda izləyin

Mart ayında iş və istirahət günlərinin yerləri dəyişdirildi
Azərbaycanda iş və istirahət günlərinin yerləri dəyişdirilib.
Oxu.Az xəbər verir ki, Baş nazir Əli Əsədov bununla bağlı qərar imzalayıb.
Qərara əsasən, iş və istirahət günlərinin ardıcıllığını təmin etmək məqsədilə 2025-ci il 27 və 28 mart iş günləri ilə müvafiq olaraq 10 mart və 1 aprel istirahət günlərinin yerləri dəyişdirilir.
Qeyd edək ki, 2025-ci il üçün iş vaxtı normasına əsasən, 8 Mart - Qadınlar Günü; 20, 21, 22, 23, 24 mart - Novruz bayramı və 30, 31 mart - Ramazan bayramı iş günləri hesab edilmir.
Martın 8-i və 23-ü şənbə, 24-ü və 30-u isə bazar gününə (qeyri-iş günlərinə) təsadüf etdiyindən müvafiq olaraq, martın 10-u, 25-i, 26-sı və aprelin 1-i qeyri-iş günü sayılacaqdı. Ancaq yeni qərarla martın 10-u və aprelin 1-i iş günü, martın 25-i və 26-sı qeyri-iş günü hesab ediləcək.
Beləliklə, ölkədə martın 20-dən aprelin 1-dək - yəni 12 gün ardıcıl qeyri-iş günü olacaq.
"Nazirlər Kabineti" teqi üzrə xəbərlər
- "Təhlükəli yüklərin mülki hava gəmilərində daşınması Qaydaları" təsdiqlənib
- Baş nazir qəzalı binalarla bağlı müşavirə keçirdi
- Azərbaycanda bəzi şəxslər 2033-cü ilə qədər ƏDV vergisindən azad olunurlar: Qanun təsdiqləndi
- Qatarların sürətinə dair məhdudiyyətlər müəyyənləşdi
- Azərbaycanda yeni gömrük yığımları müəyyən edildi