Ən son xəbərləri bizim "WhatsApp" kanalımızda izləyin

Masazır sakinlərinin yol problemi: "Kanalizasiya suları asfalt örtüyünü də yuyub"
Abşeron rayonu Masazır qəsəbəsinin sakinləri küçələrindəki bərbad vəziyyətdən əziyyət çəkirlər.
Bununla bağlı Oxu.Az-a şikayət ünvanlanıb.
Onların sözlərinə görə, Masazır qəsəbəsi H.Z.Tağıyev küçəsi, 74 ünvanında bir aydır ki, küçə acınacaqlı vəziyyətdədir.
"Yeraltı kanalizasiya suları asfalt örtüyünü yuyub və təhlükəli vəziyyət yaranıb. Bununla bağlı məsul orqan tərəfindən heç bir tədbir görülmür", - deyə şikayətdə qeyd olunur.
Abşeron rayonu, Masazır kənd bələdiyyəsindən Oxu.Az-ın sorğusuna cavab olaraq bildirilib ki, kəndi ərazisində mərkəzləşdirilmiş kanalizasiya şəbəkəsi mövcud deyil.
"Buna görə də ərazidə məskunlaşmış sakinlər tərəfindən uzun zaman öncə kustar üsulla, norma və tələblərə cavab verməyən kanalizasiya xətti çəkilib.
Son yağışlardan sonra ərazidə mövcud olan kanalizasiya kollektorunun yaxınlığında çökmə yaranıb. Yaranan çökəklikdə kənd bələdiyyəsi tərəfindən təmir-bərpa işlərinin aparılması üçün yığılan mövcud suyun çəkilməsi gözlənilib.
Qeyd edək ki, əraziyə aidiyyəti üzrə mütəxəssislərin iştirakı ilə baxış keçirilib və gün ərzində lazimi tədbirlərin görülməsi nəzərdə tutulub", - deyə məlumatda vurğulanıb.
Əzizə İsmayılova
"Sakin şikayəti" teqi üzrə xəbərlər
- Cəlilabadın qazsız qalan 15 kəndi: Problem nə zaman həll olunacaq?
- Həftəsonu parklanma qaydalarını pozanlar sakinləri narahat edirlər: "Buna göz yumurlar" - ŞİKAYƏT
- 17 nömrəli marşut avtobusunun hərəkət istiqamətindəki dəyişiklik narazılığa SƏBƏB OLDU
- Nəsimi rayonuda yerləşən evə pəncərədən daxil olurlar? - AÇIQLAMA
- Hövsanda çirkab su zirzəmilərə dolub: "Milçək əlindən oturmaq olmur"