Masazırda eyvandan yıxılan yeniyetmənin vəziyyəti açıqlanıb

Abşeron rayonu, Masazır qəsəbəsi, Füzuli 49 ünvanında eyvandan yıxılan yeniyetmənin vəziyyəti açıqlanıb.

Bu barədə Oxu.Az-a TƏBİB-dən məlumat verilib.

Bildirilib ki, hazırda pasiyentin vəziyyəti ağır stabil olaraq qiymətləndirilir:

“Vəziyyətində müsbət dinamika müşahidə edilir. Pasiyentdə əlavə oksigen dəstəyinə ehtiyac yoxdur. Pasiyentin hemodinamikası stabildir. Zəruri tədbirlər görülməkdə davam edilir”.

Qeyd edək ki, yanvarın ayının 4-ü 15 yaşlı Ayan Aslanova yaşadığı evin eyvanından yıxılıb. Onun qonşuları və valideynləri bildiriblər ki, hadisə yerinə təcili tibbi yardım briqadası çağırılsa da, onlar gəlməyib. Yeniyetmə yaxınlıqdakı şəxslərin köməkliyi ilə xəstəxanaya çatdırılıb.

Könül Cəfərli