Media.Az yeddi yaşını qeyd edir

Bu gün Media.Az xəbər portalının yeddi yaşı olur.

Oxu.Az xəbər verir ki, "Global Media Group"a daxil olan portal 2018-ci il martın 1-də fəaliyyətə başlayıb və qısa müddətdə geniş oxucu auditoriyası qazanıb.

Portal 24 saat fəaliyyət göstərir və oxucularına rus dilində operativ, dolğun xəbərlər, analitik məqalələr, foto və videoreportajlar, müsahibələr təqdim edir.

Aktual mövzulara peşəkar yanaşması və sosial şəbəkə platformalarında aktiv fəaliyyəti sayəsində sayt bu gün Azərbaycan media məkanında özünəməxsus yer tutur.

Media.Az-ın direktoru və baş redaktoru Cəmilə Ələkbərova deyir ki, hadisələrin operativ və obyektiv işıqlandırılması onlar üçün daim vacib şərtlərdəndir:

"Oxucularımızın tələblərini nəzərə alaraq, saytımızda xəbərlərlə yanaşı, analitik materiallar və maraqlı müsahibələr də yer alır. Qarşıda bizi çoxlu yeni layihələr və ideyalar gözləyir".

Biz də Oxu.Az saytı olaraq bu yolda həmkarlarımıza uğurlar arzulayırıq!

Daha ətraflı videosüjetdə:

Media.Az yeddi yaşını qeyd edir

Aləmdə Nəsib

Video: Cavid Mehdiyev