Metronun "Nizami" stansiyası yaxınlığında su borusu partlayıb.
Oxu.Az xəbər verir ki, bu səbəbindən Akademik Milli Dram Teatrı istiqamətində yolu su basıb.
Həmçinin, su yeraltı keçidə də dolub və piyadaların hərəkətini çətinləşdirib.
Metronun "Nizami" stansiyası yaxınlığında su borusu partlayıb, piyadaların hərəkəti çətinləşib
İri Şəhərlərin Birləşmiş Su Təchizatı Xidmətindən Oxu.Az-ın sorğusuna cavab olaraq bildirilib ki, qeyd olunan ünvanda içməli su xəttində qəza baş verib:
"Yasamal rayon Sukanal İdarəsinin qəza briqadası əraziyə cəlb edilib, xəttin təmiri və bərpası istiqamətində işlər görülüb".
Aygün Mirakif
