Bakıda 900 manatlıq mopedi oğurlamaqda şübhəli bilinən şəxs saxlanılıb.
Bu barədə Oxu.Az-a hüquq-mühafizə orqanlarından məlumat verilib.
Bildirilib ki, hadisə ötən gün axşam saatlarında Bakının Nizami rayonu Keşlə qəsəbəsi, Q.Sadıqov küçəsində baş verib.
Naməlum şəxs Bakı şəhər sakininə məxsus 900 manat dəyərində mopedi oğurlayıb.
Hadisə ilə bağlı Nizami RPİ-nə daxil olan məlumat əsasında, İdarənin 23-cü Polis Bölməsinin əməkdaşları tərəfindən əməliyyat-axtarış tədbirləri həyata keçirilib.
Əməliyyat-axtarış tədbirləri nəticəsində, mopedi oğurlamaqda şübhəli bilinən, Bakı şəhər sakini 1995-ci il təvəllüdlü E.Əsədov müəyyən olunaraq saxlanılıb.
Faktla bağlı araşdırma davam etdirilir.
Könül Cəfərli
