Bakıda yol hərəkəti qaydalarını kobud şəkildə pozaraq motoxuliqanlıq edən və görüntüləri sosial şəbəkədə paylaşan motosiklet sürücüsü saxlanılıb.
Daxili İşlər Nazirliyindən Oxu.Az-a verilən məlumata görə, Xəzər Rayon Polis İdarəsinin Dövlət Yol Polisi Şöbəsinin əməkdaşları tərəfindən keçirilən tədbirlər nəticəsində 21 yaşlı Zülfüqar Ağazadə müəyyən edilərək məsuliyyətə cəlb olunub.
Onun barəsində İnzibati Xətalar Məcəlləsinə uyğun olaraq protokol tərtib edilib və sənədlər baxılması üçün məhkəməyə göndərilib.
Məhkəmənin qərarı ilə Z.Ağazadə inzibati qaydada həbs edilib.
Qaynar xətt:
(055) 224 12 12
