Nardaran-Pirşağı yolunda iki avtomobil toqquşdu - YENİLƏNİB + VİDEO

Bakı şəhər Dövlət Yol Polis İdarəsi Nardaran-Pirşağı yolunda baş verən yol-nəqliyyat hadisəsi barədə açıqlama verib.

İdarənin bölmə rəisi, polis kapitanı Toğrul Nəsirli Oxu.Az-ın sorğusuna cavab olaraq bildirib ki, hadisə bu gün 15:20 radələrində baş verib:

“Niva” və KIA markalı avtomobillər toqquşub. İlkin məlumata görə, KIA markalı avtomobilin sürücüsü idarəetməni itirib və əks isitqamətə çıxıb. Nəticədə hadisə baş verib. Hər iki maşında iki nəfər olub və yüngün bədən xəsarəti alıblar”.

16:34

Sabunçu rayonu ərazisində iki avtomobil toqquşub. 

Oxu.Az-ın məlumatına görə, hadisə Nardaran-Pirşağı yolunda baş verib. 

Belə ki, “Niva” və KIA markalı avtomobillər toqquşub. 

“Niva” avtomobili Azərbaycan Dövlət Su Ehtiyatları Agentliyinin tabeliyində olan “Azərsu” Açıq Səhmdar Cəmiyyətinə məxsusdur. 

İlhamə Əbülfət