Nardaran bağları, Şah İsmayıl Xətai küçəsi, 6-cı post adlanan ərazidə sakinlərin su problemi həll olunub.
Bu barədə Oxu.Az-ın sorğusuna cavab olaraq Azərbaycan Dövlət Su Ehtiyatları Agentliyindən (ADSEA) bildirilib.
Məlumatda qeyd olunub ki, sözügedən ünvanda su xəttinin qəzalı hissəsi bərpa edilib.
Xatırladaq ki, 2 gün öncə Sabunçu Rayon İcra Hakimiyyəti kommunal xidmətinin traktorunun yolu təmizləyərkən su borusunu partlatması sakinlərin su problemi ilə üzləşməsinə səbəb olmuşdu.
Məhərrəm Əliyev
