Nazir müavini: "Bakıda kanat və funikulyorlardan daha çox əyləncə məqsədilə istifadə edilir"

"Bakı şəhərində kanat və funikulyorlardan nəqliyyat vasitəsi kimi istifadə olunmasının nəqliyyata hər hansı töhfə verəcəyini düşünmürük".

Oxu.Az xəbər verir ki, bu sözləri "Nəqliyyat sahəsində 2024-cü ildə həyata keçirilən tədbirlər və 2025-ci il üçün planlar" mövzusunda keçirilən mətbuat konfransında rəqəmsal inkişaf və nəqliyyat nazirinin müavini Rəhman Hümmətov deyib.

O bildirib ki, kanat və funikulyorlardan bəzi yerlərdə əyləncə üçün istifadə olunduğunu görürük:

"Əgər relyef uyğundursa, həmin ərazilərdə bunlardan nəqliyyat vasitəsi kimi istifadə oluna bilər. Lakin Bakıda nə qədər eniş-yoxuş var ki, bunlardan istifadə nəqliyyata öz töhfəsini versin? Bakıda onlardan daha çox əyləncə məqsədilə istifadə edilir".

Aygün Mirakif